PRAYER 5 LYRICS ( maitri bhavanu pavitra jaranu )

મૈત્રીભાવનું પવિત્ર ઝરણું

મૈત્રીભાવનું પવિત્ર ઝરણું, મુજ હૈયામાં વહ્યા કરે,

શુભ થાઓ આ સકલ વિશ્વનું, એવી ભાવના નિત્ય રહે

ગુણથી ભરેલા ગુણીજન દેખી, હૈયું મારું નૃત્ય કરે,

એ સંતોના ચરણ કમળમાં, મુજ જીવનનું અર્ધ્ય રહે

દીન, ક્રૂર ને ધર્મવિહોણા, દેખી દિલમાં દર્દ રહે,

કરુણાભીની આંખોમાંથી, અશ્રુનો શુભ સ્ત્રોત વહે

માર્ગ ભૂલેલા જીવનપથિકને, માર્ગ ચીંધવા ઊભો રહું,

કરે ઉપેક્ષા એ મારગની, તોયે સમતા ચિત ધરું

ચિત્રભાનું ની ધર્મ ભાવના, હૈયે સહુ માનવ લાવે,

વેરઝેરના પાપ ત્યજીને, મંગળ ગીતો એ ગાયે

આ પ્રાર્થના ને  IMAGE સ્વરૂપે સંગ્રહ(SAVE)  કરવા માટે નીચે ક્લિક કરો.